На адзіных днях інфармавання, якія на Асіповіччыне штомесячна праводзяцца інфармацыйна-прапагандысцкімі групамі райвыканкама, землякі задаюць нямала разнастайных пытанняў. Вось адказы на некаторыя з іх.

Iгар ТРАЦЯК, дырэктар ДУКВП “Водаканал”:

— Наконт бурэння свідравіны ў раёне дома  № 5 па завулку Першамайскім у Татарцы ў сувязі з перасыханнем калодзежа паведамляем, што зараз такой тэхнічнай магчымасці няма. Заяўка на выдзяленне сродкаў дзеля вырабу праектна-каштарыснай дакументацыі на будаўніцтва там се-так водаправода будзе разгледжана пры фарміраванні райбюджэту на 2015 год.

Сяргей СКАВЫШ, дырэктар філіяла Аўтапарк № 19 ААТ “Магілёўаблаўтатранс”:

— З 1 студзеня на зімовы перыяд па серадах уранку і вечарам будзе арганізаваны заезд у в. Смык аўтобусаў, якія ходзяць па маршрутах  Асіповічы-Градзянка і Асіповічы-Пагарэлае.

Аляксандр СIЛЬЧАНКА, галоўны ўрач УАЗ “Асіповіцкая цэнтральная раённая бальніца”:

— Для паляпшэння даступнасці аказання медыцынскай дапамогі насельніцтву з 8 снежня ў ФАПе в. Каменічы дадаткова двойчы на тыдзень вядзе прыём урач агульнай практыкі. Заяўка на размеркаванне туды медыка пададзена, пасля прыбыцця фельчара ў будучым годзе ФАП будзе ўкамплектаваны.

Аляксандр МАСЛАЎ, дырэктар ДУКВП “Райсэрвіс”:

— Рамонт арэляў на дзіцячай пляцоўцы для гульні ў парку імя 50 гадоў Кастрычніка па вул. Абросімава выкананы.