Зваротная сувязь

Бачыць і чуць людзей

Прыём грамадзян па асабістых пытаннях і прамая тэлефонная лінія, сустрэчы з калектывамі ААТ “Асіповіцкі хлебазавод” і мясцовага дзяржаўнага прафесійна-тэхнічнага каледжа — вось галоўныя рабочыя моманты чарговага наведвання сваёй выбарчай акругі дэпутатам Палаты прадстаўнікоў Нацыянальнага сходу Рэспублікі Беларусь Святланай Шутавай. Людзі з цікавасцю ўспрынялі яе расказ пра VI Усебеларускі народны сход і існуючую сітуацыю ў краіне, даведаліся аб дзейнасці парламентарыяў і пра законапраекты, над якімі народныя абраннікі працуюць сёння.

Не адзін з землякоў 9 сакавіка скарыстаўся і магчымасцю высветліць хвалюючыя моманты. На шэраг праблемных пытанняў, звязаных з добраўпарадкаваннем, медабслугоўваннем і іншымі сферамі паўсядзённага жыцця, асіпаўчане ад Святланы Аляксандраўны і старшыні раённага Савета дэпутатаў Сяргея Сувеева атрымалі адказ адразу, па асобных даведаюцца пасля дадатковага аналізу-вывучэння.

В.Навіцкі.