Прошла очередная сессия Осиповичского районного Совета депутатов

Саветы за работай

Канкрэтна, плённа, вынікова

Прайшла трыццаць чацвёртая сесія раённага Савета дэпутатаў дваццаць восьмага склікання, на якой быў разгледжаны шэраг актуальных пытанняў: аб справаздачы райвыканкама пра работу па сацыяльна-эканамічным развіцці раёна ў мінулым годзе, выніках работы раённага Савета дэпутатаў за 2020 год, зацвярджэнні справаздачы аб выкананні раённага бюджэту за аналагічны перыяд, пагашэнні крэдыторскай запазычанасці. Разглядаліся пытанні закупкі тавараў (работ і паслуг). Таксама былі ўнесены змяненні ў некаторыя рашэнні райсавета дэпутатаў за папярэднія гады.

У абмеркаванні справаздач прынялі актыўны ўдзел дэпутаты Алена Паргачова, Сяргей Сідарэнка, Наталля Мельнік. У прыватнасці, разглядаліся ўнясенне змяненняў у Працоўны кодэкс на аснове прапаноў работнікаў вытворчых калектываў, дзейнасць селькама вёскі Радуцічы і іншыя важныя напрамкі жыццядзейнасці прадпрыемстваў і арганізацый, а таксама насельніцтва раёна.

Напрыклад, кіраўнік ААТ “Авангард-Ніва” Сяргей Сідарэнка, які прыняў удзел у VI Усебеларускім народным сходзе, падзяліўся ўражаннямі аб форуме — яны толькі добрыя і іх вельмі шмат. Расказаў і пра мясцовыя справы, напрыклад, пра сумесную работу арганізацый, размешчаных на тэрыторыі Вяззеўскага сельсавета, і органаў мясцовага самакіравання па добраўпарадкаванні населеных пунктаў. Было высаджана 90 дрэў. Праведзены рамонт помнікаў у Замошшы, Вялікай Гарожы. Ва ўрочышчы Максімаўка замянілі помнік на новы, а ў Прошчы зрабілі новую агароджу. Адрамантаваны і пафарбаваны плот парка ў Карытным. Устаноўлена 3 кантэйнеры для збору цвёрдых камунальных адыходаў на могілках у Лучыцах і абсталявана 3 пляцоўкі ў Цяплухах, Смыку і Карытным. Знесена  2 пустуючыя дамы ў Коханаўцы і Тарасавічах. У шэрагу населеных пунктаў ліквідаваны звалкі смецця агульнай плошчай 120 м3. Членамі сельскіх камітэтаў і дэпутатамі рэгулярна праводзіцца тлумачальная работа з насельніцтвам аб недапушчэнні стыхійных звалак. Выразаны хмызняк і аварыйныя дрэвы на грамадзянскіх могілках, зараснікі сумніку канадскага на плошчы 2,2 га. Была праведзена падсыпка дарогі ў Орчы, а з дапамогай лясгаса зроблена новая агароджа па вуліцы Цэнтральнай у Паташні.

Па ўсіх пытаннях сесіі прыняты адпаведныя рашэнні, выкананне якіх знаходзіцца ў зоне пастаяннай увагі раённага Савета дэпутатаў.