Зваротная сувязь

Сустрэча на АЗАА

У мінулы чацвер падчас адзінага дня інфармавання насельніцтва старшыня райвыканкама Канстанцін Жыгуцкі наведаў ААТ “Асіповіцкі завод аўтаагрэгатаў”.

Сустрэча з калектывам будавалася ў фармаце дыялогу. Кіраўнік раёна, суправаджаючыя яго прадстаўнікі арганізацый і службаў пазнаёмілі прысутных з актуальнай інфармацыяй па супрацьстаянні інтэрнэт-махлярам, выніках барацьбы з каранавіруснай інфекцыяй — яе трэцяя хваля ўсё ж “дацягнулася” да Асіповіччыны — і мерах пажарнай бяспекі, якія трэба выконваць у летні перыяд.

Завадчане ў сваю чаргу пацікавіліся ходам рэалізацыі праграмы павышэння імунітэту насельніцтва да COVID-19, сітуацыяй з рамонтам вулічнай сеткі горада, перспектывамі паляпшэння якасці пітной вады і вырашэння шэрагу іншых важных для мясцовай супольнасці праблем.