Зваротная сувязь

Дэпутат у курсе справы

Падчас прамой тэлефоннай лініі і сустрэчы з педкалектывамі СШ № 1 і гімназіі, якія праводзіла дэпутат Палаты прадстаўнікоў Нацыянальнага сходу краіны Святлана Шутава, асіпаўчане зноў вярнуліся да традыцыйных тэм: праблем у галіне камунальнай гаспадаркі і перспектыў іх вырашэння.

Вось што адказалі на пастаўленыя землякамі пытанні зацікаўленыя адказныя асобы.

Дзмітрый Белы, начальнік Асіповіцкага аддзялення філіяла “Бабруйскводаканал”:

— Магутнасць асіповіцкай каналізацыйнай сістэмы, якая падключана да ачышчальных збудаванняў, патрэбам горада адпавядае, таму задача стаіць адна: падтрымліваць яе абсталяванне ў рабочым стане. Асаблівую ўвагу плануецца засяродзіць на некаторых праблемных участках, у тым ліку падвоеным трубаправодзе, якім карыстаецца мясцовы філіял холдынга “Бабушкина крынка”. Ён пракладзены праз нетрывалы — забалочаны — грунт і не вытрымлівае пастаянных дэфармацый: рвецца практычна раз у тры месяцы. Рашэння, як выправіць сітуацыю з наяўнымі тэхнічнымі і фінансавымі магчымасцямі, пакуль не знойдзена, аднак сёлета яго пошук будзе адным з галоўных прыярытэтаў у праектнай дзейнасці прадпрыемства. Так што ўзяцца за гэтую балючую кропку ўсур’ёз атрымаецца не раней 2022 года.

Тэрміны пачатку будаўніцтва і здачы ў эксплуатацыю станцыі абезжалезвання на водазаборы “Паўночны” залежаць не ад “Водаканала”. Праектна-каштарысная дакументацыя даўно гатова, аднак інвестар праекта, Еўрапейскі банк рэканструкцыі і развіцця, пакуль не вызначыў падрадчыка і не выдзяляе сродкі на яго рэалізацыю. Прычыны пратэрміноўкі не агучваюцца.

Дзмітрый Кулакоўскі, дырэктар УКП ЖКГ:

— Лужына ў раёне дома № 35 на вуліцы Сташкевіча бу-дзе ліквідавана гэтай вясной. Яе ўтварэнне прагназавалася: узгаданае месца — лакальнае паніжэнне рэльефу, аднак прыняць неабходныя меры летась не было магчымасці. Там зробім кропкавую ліўнёвую каналізацыю. Гэта некалькі запоўненых гравіем калодзежаў, кожны з якіх здольны “ўсмоктваць” да 3 кубаметраў ападкаў.

Нагляд за вуліцамі, якія не маюць цвёрдага пакрыццця, вя-дзецца ў адпаведнасці з графікам, які разлічаны па ўстаноўленых нарматывах. Калі патрэба ў грэйдзіраванні ўзнікае датэрмінова, аб гэтым трэба паведамляць дыспетчарам УКП ЖКГ. Тэлефон — 115.

Зараз фарміруецца праграма бягучых рамонтаў жылля і вулічна-дарожнай сеткі на гэты год. Аб’ёмы работ праводзяцца ў адпаведнасці з колькасцю вы- дзеленых сродкаў, сёлета — 480 тысяч рублёў. Сума невялікая, і яна будзе расходавацца толькі на самае неабходнае. Так што вуліца Стэльмаха ва ўзгаданую праграму не ўключана.

З улікам абмежаваных магчымасцей УКП ЖКГ хацелася б звярнуцца да землякоў з прапановай. Калі не ствараць камунальнікам лішніх клопатаў, яны здолеюць зрабіць больш для агульнай карысці. Просты пры-клад: кожны дворнік сёння аб-слугоўвае па 35 шматкватэрных дамоў. Не кідаем у дварах смецце, сартуем бытавыя адыходы — у яго будзе больш часу і сілы, каб трымаць тэрыторыі ў найлепшым парадаку. Як здаецца, гэта зусім нескладана і выгадна ўсім.