У суботу прайшлі раённыя спаборніцтвы сярод дзяцей і падлеткаў па біятлоне “Снежны снайпер” на прызы Прэзідэнцкага спартыўнага клуба
У спартыўным мерапрыемстве прынялі ўдзел 69 навучэнцаў школ горада і раёна. Сёлета традыцыйныя спаборніцтвы па лыжнай гонцы і стральбе з пнеўматычнай зброі праходзілі ў трох узроставых групах: малодшая — 2013-2014 г.н., сярэдняя — 2011-2012 г.н., старэйшая — 2009-2010 г.н.
Пераможцай у агульнакамандным заліку стала Пратасевіцкая СШ. У асабістым заліку ў сваіх узроставых групах адпаведна першае месца занялі Арцём Пышны (Татаркаўская СШ), Арына Гапа, Дзмітрый Дубовік і Ганна Сушыльнікава (Пратасевіцкая СШ), Леанід Пацкевіч (гімназія), Лідзія Галко (Ялізаўская СШ). На другім месцы Данііл Насека і Ульяна Леўчанка (СШ № 4), Арцём Сташчанка (Жорнаўская СШ), Дар’я Сокал, Павел Піліпенка, Дзіяна Кароткая (Пратасевіцкая СШ).
Трэцяе месца ў Яраслава Кішчынскага, Ілоны Сіваковай, Макара Жэгалы (Ялізаўская СШ), Філіпа Браганца і Ліліі Зубаравай (СШ № 4), Ульяны Собалевай (Вяззеўская СШ).
На абласным этапе спаборніцтваў, якія пройдуць 29-31 студзеня ў Чавусах, наш раён прадставіць каманда з 12 спартсменаў, якія ў суботу заваявалі золата і серабро.
