Турызм у асіпаўчан у пашане
Асіповіцкі раённы цэнтр турызму і краязнаўства (дырэктар Святлана Барысевіч) прыняў удзел у абласным завочным конкурсе на лепшы турыстычны паход “Пазнай радзіму — выхавай сябе”. Усяго на суд журы было прадстаўлена 38 справаздач з 15 раёнаў вобласці, у тым ліку 9 — з Асіповіччыны. 8 з іх занялі прызавыя месцы.
Так, у намінацыі “пешаходныя паходы ІІІ ступені складанасці” на трэцюю ступеньку п’едэстала гонару ўзняліся вучні з Пратасевіцкай СШ (кіраўнік паходу Мікалай Роўбель), на другую — ліпенскія школьнікі (Валянціна Шарова), а лідарства — у юных турыстаў з СШ № 4 (Людміла Ждановіч).
Намінацыя “веласіпедныя паходы ІІІ ступені складанасці” прынесла “золата” рабятам з Ясеня (Максім Мікуліч).
Дзве справаздачы раённага цэнтра турызму і краязнаўства і адна — Цэльскай СШ (“пешаходныя паходы І катэгорыі складанасці”) занялі 3, 2 і 1 месцы адпаведна (кіраўнікі Канстанцін Баранаў, Анатоль Калугін і Аляксандр Іваноў). Сярод устаноў прафесіянальна-тэхнічнай адукацыі ў гэтай жа намінацыі першынствавалі навучэнцы нашага каледжа (Дзмітрый Зыль).
