19 кастрычніка
пад старшынствам начальніка аддзела фізічнай культуры, спорту і турызму
райвыканкама Віктара Шыльцава адбылося пасяджэнне каардынацыйнага савета па
турызму. Галоўнай тэмай абмеркавання стаў ход выканання рашэння райвыканкама № 12-35 «Аб мерапрыемствах па
развіцці турызму ў Асіповіцкім раёне на 2011-2015 гг.”

Нарада сабрала
прадстаўнікоў арганізацый і прадпрыемстваў, якія так альбо інакш задзейнічаны ў
стварэнні гэтага віду паслуг у рэгіёне.

Распачаў
пасяджэнне Віктар Шыльцаў, які ў сваім выступленні адзначыў, што на працягу
года ў рэкламную дзейнасць Асіповіцкага агра- і экатурызму было ўкладзена каля
9,6 млн. рублёў. Гэта датычыцца і інтэрнэт-прасторы, і рэкламных праспектаў,
календароў, удзелу ў спецыялізаваных міжнародных выставах і кірмашах,
фестывалях, выставы-продажы арыгінальных мясцовых дэкаратыўна-прыкладных
вырабаў. ДДЛГУ «Асіповіцкі доследны лясгас” добра-ўпарадкаваў зону адпачынку
каля ракі Пціч, РАС «РДГА «БТПР” уведзена ў эксплуатацыю паляўніча-рыбалоўная
база ў в. Осава. Асіповіцкі раён валодае дастаткова вялікім
гісторыка-культурным патэнцыялам, які дазваляе развіваць практычна ўсе віды
турызму. За студзень-жнівень 2012 года насельніцтву было аказана ту-рыстычных
паслуг на 750,7 млн. рублёў.

ДУ «ФСК
«Алімпія” было распрацавана 30 экскурсійных маршрутаў, з іх 8 па Асіповіцкім
раёне. Не адстаюць і кіраўнікі краязнаўчых гурткоў, якія прапануюць тры
мясцовыя веласіпедныя туры, шэсць пешаходных і адзін водны.

Немалаважнай
часткай развіцця экскурсійных паслуг з’яўляецца раўнамернае размеркаванне
прыдарожнага сэрвісу. Тры такія аб’екты дзейнічаюць на магістралі Мінск —
Гомель. Яны будуць унесены ў генеральную схему развіцця прыдарожнага сэрвісу на
рэспубліканскіх аўтамабільных дарогах у 2013 годзе.

На Асіповіччыне
таксама ідзе планамернае развіццё агратурызму. Зарэгістравана 33 суб’екты, якія
аказваюць падобныя віды паслуг, аднак толькі 11 з іх працуюць рэгулярна. За
першае паўгоддзе імі было прынята 136 чалавек, асноўная маса якіх — беларусы.

Інтэнсіўна
развіваецца ў раёне і паляўніцтва. Як паведаміў намеснік дырэктара лясгаса па
ідэалагічнай рабоце Аркадзь Нові-каў, кіраўніцтва расійскай фірмы «РОСГАЗНЕФТЬ”
зусім нядаўна прыняло рашэнне аб арэндзе вялікай часткі паляўнічых угоддзяў
нашага раёна…

Завяршылася
пася-джэнне абмеркаваннем разнастайных пытанняў і падвядзеннем вынікаў працы.
Наступны год пройдзе пад знакам экалагічнага турызму, таму турыстычны накірунак
будзе заставацца ў рэспубліцы прыярытэтным і важным. А ў нас ёсць вялікая
колькасць магчымасцей паспяхова развіваць і папулярызаваць гэту сферу.