Проста выдатна выступілі на традыцыйным турніры,
прысвечаным памяці землякоў, якія ўдзельнічалі ў Вялікай Айчыннай вайне, і
наогул усіх шахматыстаў, якія дачасна пайшлі з жыцця, кандыдаты ў майстры
спорту Вячаслаў Козел і Віталь Кулакоў.

Напачатку яны са 100-працэнтным вынікам прайшлі
— усяго ўдзельнічалі ў барацьбе за ўзнагароды два дзясяткі спартсменаў — адборачнае
сіта ў сваіх падгрупах, а потым не пакінулі нікому шанцаў і ў фінале. Нічыя між
сабой — і заслужаныя віншаванні лепшым. Замкнуў тройку прызёраў першаразраднік
Дзмітрый Кунец.