Па выніках абласнога агляду-конкурсу на лепшую
работу сярод устаноў пазашкольнага навучання і выхавання
турыстычна-краязнаўчага профілю за 2010 год першым — са значным адрывам ад
астатніх удзельнікаў — стала ДУА “Клуб дзіцячага і юнацкага турызму і
краязнаўства г. Асіповічы”. Трэба адзначыць, што ў пэўнай ступені поспеху
КДіЮТіК спрыялі ўдзел у распрацоўцы турысцка-краязнаўчага маршруту “Асіповіцкая
круга-светка”, створанага ў межах праекта ПРААН “Мясцовыя павесткі-21”, і правя-дзенне па ім
“пілотнага” ве-ласіпеднага падарожжа.

У бліжэйшых планах клуба — распрацоўка на базе
“кругасветкі” спецыяльнага маршруту, які будзе цалкам адпавядаць умовам ІІ
катэгорыі складанасці для спартыўна-турыстычных падарожжаў. Калі ўзгаданая
навацыя будзе рэалізавана ў задуманым аб’ёме — а кіраўніцтва КДіЮТіК у поспеху ўпэўнена
— ужо гэтым летам на тэрыторыі нашага раёна можна будзе арганізаваць пешаходны
паход самага высокага для Магілёўшчыны ўзроўню складанасці. Гэта пераўтворыць
Асіповіччыну ў запатрабаваны палігон для павышэння ўзроўню падрыхтоўкі ўсіх
турыстаў-спартсменаў Магілёўшчыны і зробіць КДіЮТіК профільным
метадычна-кансультацыйным цэнтрам абласнога ўзроўню.