Больш за сотню спартсменаў з Магілёва,
Бабруйска, Шклова і Асіповічаў з’ехаліся на адкрытае першынство Магілёва па
плаванні. Па выніках трохдзённых заплываў наша каманда заняла ганаровае другое
месца, саступіўшы толькі гаспадарам.

Таццяна Сямашка заваявала “срэбра” на 400 метрах кролем, а на
200-метроўцы комплексным плаваннем і 100 метрах кролем — “золата”. Арцём Васючэнка
ўзяў на 50 м
на спіне “срэбра”. На такой жа дыстанцыі брасам Дар’я Папова атрымала “бронзу”,
а Дар’я Ткачук — “срэбра”. Павел Петухоў на 100 м кролем праплыў на
“бронзу”. Акрамя гэтага, у эстафетах асіпаўчанкі двойчы фінішавалі трэцімі.

Упершыню выязджалі на такі турнір Арцём Окрут,
Ганна Аўчарова і Кацярына Пракопчык.

Па выніках гэтых спабор-ніцтваў нашы плыўцы
прайшлі на першынство краіны ў праграме “Вясёлы дэльфін”, які адбыўся 24-26
лютага ў Гродне, аднак паехаць туды змаглі толькі два спартсмены — Таццяна
Сямашка і Раман Юрэня.

Усяго “на рэспубліцы” было 126 хлопцаў
і 80 дзяўчат, і Таня фінішавала трэцяй на дыстанцыі 100 метраў на спіне, а Рома
адчувальна палепшыў свае ранейшыя ў плаванні дасягненні: кролем, брасам і
комплексным.