15 студзеня прайшла штогадовая раённая
спартакіяда па зімнім мнагабор’і “Абаронца Айчыны”. У ёй прыняла ўдзел
дапрызыўная і прызыўная моладзь Асіповіччыны, і лепшыя атрымалі Ганаровыя
граматы.

У стральбе, падцягванні і лыжным майстэрстве ў І
групе мацнейшай стала каманда гімназіі, другой — СШ № 3, трэцяй — СШ № 1. У ІІ
групе спартыўнае “золата” атрымала Вяззеўская школа, “срэбра” — Пратасевіцкая,
а “бронзу” — Жорнаўская. У ІІІ групе верхнюю прыступку п’едэстала заняла
моладзь Каменіцкай школы, другую — Карытнянскай, а трэцюю — Дрычынскай.

У індывідуальным першынстве вучняў
15-16-гадовага ўзросту і маладзей лепшы вынік у Яўгенія Ліхалапа (гімназія), за
ім — Віталь Парамонаў (Вяззе) і Артур Рыжкевіч (гімназія). Сярод 17-18-гадовых
хлопцаў перамог Віктар Налівайка (гімназія), другое і трэцяе месцы адпаведна
занялі Цімур Ахмедаў (Вяззе) і Сяргей Ласіца (Пратасевічы).