Прыемная вестка напрыканцы мінулага года
прый- шла на Асіповіччыну з Міністэрства спорту і турызму: у адпаведнасці з нормамі
і патрабаваннямі Адзінай спартыўнай класіфікацыі краіны Віталю Кулакову, які
двойчы запар — у 2011 і 2012 гадах — стаў чэмпіёнам рэспублікі сярод дрэнна
бачачых шахматыстаў, прысвоена спартыўнае званне «Майстар спорту Рэспублікі
Беларусь”.

Раней аматараў чорна-белых клетак з такім
высокім рангам у рэгіёне яшчэ не было, але першая ластаўка, цалкам верагодна,
не стане апошняй. Сутнасць у тым, што на крок наверх у спартыўным росце рэальна
можа разлічваць яшчэ адзін асіпаўчанін: Барыс Бліцко нядаўна ў другі раз стаў
шахматным каралём краіны па перапісцы — мацнейшы ў ІХ і ХІ чэмпіянатах — і
дакументы на прысваенне кандыдату ў майстры спорту больш важкага звання зараз
разглядаюцца ў адпаведных структурах.