Ураджай-2020

Адкуль бярэцца саладосць

Нарыхтоўка цукровых буракоў пачалася ў верасні

Восень — пара жоўта-чырвонага лісця і дажджоў, напоўненая пахам дыму кастроў і абавязкова нарыхтоўкай гародніны. Вось тут ужо шмат варыянтаў “што-куды-навошта”. З цягам часу чалавек навучыўся вырабляць з дароў прыроды розныя прысмакі, галоўнай з якіх і, верагодна, асноўнай з’яўляецца цукар. Вырабляецца гэты салодкі прадукт з цукровых буракоў амаль 300 гадоў. Як нарыхтоў-ваюць караняплод, даведаліся на Асіповіцкім буракапрыёмным пункце Слуцкага цукроварафінаднага камбіната.

Сезон тут распачалі 1 верасня, як і прадугледжана тэхналагічным графікам. Возяць сюды буракі для адпраўкі перапрацоўшчыку з чатырох раёнаў: Асіповіцкага, Бабруйскага, Пухавіцкага і Кіраўскага. На 24 верасня тут было прынята больш за 30,3 тыс. тон, у тым ліку 10,2 тыс. — з нашых палеткаў. Сёлета ў нарыхтоўцы прымаюць удзел тры сельгаспрадпрыемствы, якія здалі на буракапрыёмны пункт па даных на тое ж 24 верасня: 3 964 — ААТ “ЖорнаўкаАГРА”, 2 592 — філіял “Белшына-агра” ААТ “Белшына” і 468 — ААТ “Авангард-Ніва”. Таксама займаецца салодкімі караняплодамі фермерская гаспадарка “АграАўтаНова”, якая здала 3 187 т расліннай сыравіны. За суткі з дапамогай БУМаў тут чысцяць ад зямлі і травы каля дзвюх тысяч тон. Потым караняплоды адпраўляюць на перапрацоўку на галаўное прадпрыемства.

Зараз буракапрыёмны пункт працуе з 8 да 17 гадзін у “спакойным” рэжыме. Пакуль усе караняплоды адразу ідуць на перапрацоўку. Буракі яшчэ набіраюць вагу і цукрыстасць, бо перастаюць расці толькі калі тэмпература становіцца ніжэйшай за 5°С. Пакуль што на-  двор’е спрыяльнае, таму нарыхтоўшчыкі чакаюць большы ўра-джай. Кастрычніцкія ж караня-плоды будуць праходзіць сарціроўку: для захавання ці адразу на перапрацоўку.