Ураджай-2021

Паспяховая корманарыхтоўка — сытая зімоўка

У сельгаспрадпрыемствах раёна адказная пара — на сенажацях разгарнулася касавіца

Травы першага ўкосу ўжо ўбраны з 5 579 гектараў. Як паведаміў першы намеснік начальніка ўпраўлення па сельскай гаспадарцы і харчаванні райвыканкама Дзмітрый Кулік, нарыхтавана 131 тона сена і больш за 23,5 тысячы тон сенажу, у тым ліку па сучасных прагрэсіўных тэхналогіях — 878 тон у палімернай упакоўцы. На ўмоўную адзін-ку буйной рагатай жывёлы па раёне маецца 4,18 цэнтнера кармавых адзінак, што на 1,7 цэнтнера больш, чым летась. Усяго ж кармавых адзінак нарыхтавана каля 6,7 тысячы тон, а гэта 10,7% ад задання. Апошнія дні з-за няўстойлівага на-двор’я праца была запаволена, але хутка чакаецца спрыяльная пара, а значыць, імклівыя тэмпы нарыхтоўкі кармоў адновяцца.

Таксама гаспадаркі раёна праводзяць хімпраполкі кукурузу і цукровых буракоў. Вядуцца відавыя праполкі насенных участкаў азімых культур.