В Осиповичском районе активно ведутся полевые работы

Летні дзень год корміць

У раёне актыўна ідзе касавіца

Пасля спорных дажджоў устанавілася цёплае, па-сапраўднаму летняе надвор’е. Аграрыі задаволены: калі ў маі не было падстаў спадзявацца на добры першы ўкос, то зараз становішча значна палепшылася. Травы пайшлі ў рост.

У ААТ “Авангард-Ніва” на сенажацях штодня працуе тэхніка. Скошана толькі каля паловы вырашчанага. Паралельна ідзе падсеў аднагадовых культур.

Ужо не першае лета працуе на касавіцы трактарыст-машыніст Віктар Няхлебаў. Ён адказна адносіцца да справы, бо ведае: своечасова скосяць травы, нарыхтуюць якасныя кармы для жывёлы — будуць і надоі добрыя.

Яшчэ тыдні два — і касілкі да пары можна бу-дзе хаваць, каб заняцца іншымі работамі. Распачалася хімпраполка цукровых буракоў і кукурузы, наперадзе — падкормка азотнымі ўдабрэннямі, а там і ўборачная прыспее. Віктар, дарэчы, у час уборкі збожжа будзе працаваць на зернетаку. Работы хопіць кожнаму, бо летні дзень, як вядома, год корміць.