У гаспадарках Асіповіччыны прайшоў чарговы дзень жывёлавода
Мерапрыемства актуальнае, бо клопатаў у галіне зараз хапае. Так як у мінулым месяцы адбылося некаторае зніжэнне вытворчасці малака, галоўнай прычынай якога стаў недахоп у рацыёне канцэнтраваных кармоў, зараз праводзіцца шэраг мер па выпраўленні сітуацыі. І варта адзначыць: сёння справы ідуць больш-менш стабільна. Наперадзе чакаецца пераход ферм на зімовы стойлавы перыяд. Ужо зараз на многіх сельгасаб’ектах зменены распарадак дня: напрыклад, няма ў графіку начной пасьбы, паўсюдна адбываецца пабелка, рамонт памяшканняў для ўтрымання жывёлы, сістэм водапаення і г.д.
У сельгаспрадпрыемствы, каб сустрэцца з працаўнікамі галіны, накіравалася 5 інфармацыйных груп. Адна з іх на чале з намеснікам начальніка, загадчыкам сектара ідэалагічнай работы аддзела ідэалагічнай работы, культуры і па справах моладзі райвыканкама Ігарам Петухам адправілася ў ААТ “Заходні-Агра”. Сустрэча адбылася на ферме ў Дрычыне.
Пытанняў, якія хвалююць мясцовых працаўнікоў, нямала. Пэўны час гаспадарка знаходзіцца ў стане банкруцтва, таму ў першую чаргу аграрыяў хвалюе яе далейшы лёс. Ёсць і шмат іншага, пра што вяскоўцам хацелася б пагутарыць з прадстаўнікамі ўлады. І жыхары Дрычына хутка зноў будуць мець такую магчымасць: у рамках адзінага дня інфармавання насельніцтва ў гэтым аграгарадку будзе працаваць адна з інфармацыйна-прапагандысцкіх груп райвыканкама.
