Сяўба ў Асіповіцкім раёне набірае тэмпы

Напрыканцы мінулага тыдня ўсе сельгаспрадпрыемствы раёна актыўна прыступілі да сяўбы ранніх яравых культур. На ўчарашнюю раніцу асіповіцкімі аграрыямі пасеяна 936 гектараў збожжа і зернебабовых — 18% да запланаванага.

Найбольш высокімі тэмпамі вядзецца гэты від палявых работ у элітгасе: працаўнікамі ААТ “Авангард-Ніва” пасеяна 245 га — 41%. Не адстаюць і механізатары філіяла “Белшына-Агра” ААТ “Белшына”, на чыім рахунку ўжо значыцца 223 га — 24%. На 87 гектарах пабывала сеялка ў “Лапічах”, што складае 26% ад плана.

Першай культурай стаў авёс. Наступныя ў спісе — ячмень і пшаніца.

Паралельна ў гаспадарках ідзе падсеў шматгадовых траў. Учора яны ўжо займалі 604 гектары — выканана амаль чвэрць задання.