Важны этап сельскагаспадарчага года — нарыхтоўка кармоў. Ад паспяховасці гэтай справы залежаць у перспектыве малочныя здабыткі і агульная эфектыўнасць работы аб’ектаў жывёлагадоўлі. Травастой на дадзены перыяд здавальняючы — такую ацэнку даюць спецыялісты, а значыць, самы час гаварыць пра сянаж і сена.

Каб забяспечыць фермы пад патрэбу на зімовы стойлавы перыяд гэтым відам кармоў, сёлета сельгаспрадпрыемствам неабходна нарыхтаваць 6 300 тон сена, 83 950 тон сенажу. Гэта датычна ўсяго перыяду. Першы ўкос павінен ахапіць плошчу ў 7 480 гектараў, тэхніка прайшла на 750. Да нарыхтоўкі сенажу прыступілі ААТ “ВязаўніцаАгра” і ААТ “ЖорнаўкаАГРА”. Першая гаспадарка па стане на ўчарашнюю раніцу заклала ў сянажныя ямы 920 тон, другая — 839. У бліжэйшы час да кашэння траў далучацца і астатнія гаспадаркі.

Тэхнікі, якая была загадзя падрыхтавана, дастаткова. На “зялёным жніве” задзейнічана дзевяць кормаўборачных камбайнаў КВК-800, шэсць касілак, пяць грабляў, дзесяць прэс-падборшчыкаў, каля двух дзясяткаў машын і трактароў для перавозкі зялёнай масы. Плюс на дапамогу асіповіцкім аграрыям прыйшоў мехатрад ААТ “Кіруючая кампанія холдынга «Аграмашсэрвіс»”.

 Работа па стварэнні травяных запасаў арганізавана, справа за спрыяльнымі ўмовамі надвор’я.

Валянціна Корбаль