Спадзяванне — на людзей
Сёлета надвор’е паставіла аграрыяў у асабліва жорсткія рамкі, вымагаючы шукаць нестандартныя рашэнні, па-іншаму арганізоўваць сельгасработы. Калі ўвесну трактары не маглі рытмічна працаваць на сяўбе з-за пераўвільготненасці палёў, то анамальна засушлівыя май-чэрвень стварылі неспрыяльныя ўмовы для развіцця раслін, у тым ліку на сенажацях.
Тым не менш заданне па корманарыхтоўцы сельгас-прадпрыемствы маюць значнае. Так, працаўнікі ААТ “ЖорнаўкаАГРА” павінны назапасіць 600 тон сена, 14,5 тысяч тон сенажу і 20 тысяч тон сіласу. І калі з апошнім праблем хутчэй за ўсё не будзе — кукуруза ў гэтай гаспадарцы расце нядрэнна, рэгулярна ажыццяўляецца яе падкорм-ка, штодзень падсілкоўваецца прыкладна 100 гектараў, — то напаўненне сянажных ям — задача павышанай складанасці. Аднак вырашальная, калі дзейнічаць хутка і з разуменнем перспектыў. Напрыклад, зараз скошваюцца ўчасткі, якія пераведзены са збожжавай групы ў кармавую. Дадаткова сеецца на корм зерне, проса, каб праз два месяцы гэту зялёную масу таксама зжаць.
Адно стабільна — старанне людзей, іх гатоўнасць працаваць максімальна рупліва, каб зімой жывёла была забяспечана кармамі ў неабходнай колькасці.
Сярод такіх, вартых шчырай пашаны працаўнікоў, учотчык Лілія Кедзіч, якая дакладна ведае, кім, куды і колькі дастаўлена зялёнай масы, вымярае яе тэмпературу, вільготнасць. Плюс работа з неабходнай дакументацыяй. Працаваць даводзіцца з раніцы да вечара, у тым ліку і ў выхадныя дні. Аднак гэтыя абставіны не засмучаюць: галоўнае — вынік. Не страшна і тое, што работы наперадзе яшчэ нямала — справімся! А калі прагнозы сіноптыкаў спраўдзяцца і будуць дажджы, трава хутчэй пойдзе ў рост і стане сакавітай.