Сакрэт адзін: працуй з ахвотай
Дзмітрый Дражын робіць трактарыстам-машыністам у ААТ “ЖорнаўкаАГРА” не так даўно, але паспеў зарэкамендаваць сябе як працавіты і адказны механізатар. Задзейнічаны ён у асноўным на корманарыхтоўцы, пагрузцы і вывазцы ўгнаення, але мае вопыт работы і на зернеўборачным камбайне.
Вырас Дзмітрый Міхайлавіч у Дрычыне. З дзіцячых гадоў перад яго вачамі быў прыклад бацькоў-калгаснікаў. Таму нядзіўна, што ўжо перад арміяй Дражын сам кіраваў камбайнам. У Лапічы разам з жонкай пераехаў 15 гадоў таму. Працаваў у лясгасе і агракомплексе “Сваяк”, але вярнуўся да першапачатковай справы, дзе адчувае сябе больш задаволеным. На пытанне, як удаецца дасягаць добрых паказчыкаў, адказвае проста:
Сакрэту ніякага няма, трэба жаданне працаваць. Сельская гаспадарка патрабуе поўнай аддачы. Няма тут часу для прастою, заўсёды пры справе.
