Продолжается сев ранних яровых культур
13 апреля 2021 11:57
Ураджай-2021
Красавік на палях
Па ўчарашніх даных зерневымі засеяна 1 158 гектараў — 80% ад задання. Пра гэта даведаліся ў першага намесніка начальніка ўпраўлення па сельскай гаспадарцы і харчаванні райвыканкама Дзмітрыя Куліка:
— Веснавыя работы на палях у самым разгары. 98 працэнтаў раллі, а гэта амаль 1,5 тысячы гектараў, падрыхтавана да сяўбы. Апрацоўку глебы працягваюць усе гаспадаркі раёна. Аграрыі па-ранейшаму актыўна падкормліваюць азотнымі і калійнымі ўдабрэннямі азімыя зерневыя і крыжакветныя культуры, а таксама шматгадовыя травы. Дарэчы, апошнія падсяваюцца. Вядзецца вывазка і ўнясенне арганікі.
