Па стане на ўчарашнюю раніцу ў сельгаспрадпрыемствах раёна ўбрана 7 688 гектараў ніў — 88% да запланаванага, атрымана 17 894 тоны збожжа, сярэдняя ўраджайнасць — 23,3 цэнтнера з гектара
17
Ва ўлічваемых сялянска-фермерскіх гаспадарках убрана 1 155 га, вал — 4 312 тон, а з кожнага гектара сабрана ў сярэднім па 37,3 ц.
Завяршылі ўборку ААТ “ЖорнаўкаАГРА” і ААТ “ВязаўніцаАгра”. Вынікі наступныя: “ЖорнаўкаАГРА” — 1 748 га, 4 283 тоны, 24,5 ц/га. “ВязаўніцаАгра” — 2 202 га, 4 414 т, 20 ц/га. Даныя па іншых гаспадарках наступныя: ААТ “Ясеньскае” — 785 га, 75%, 1 657 т, 21,4 ц/га. “Авангард-Ніва” — 1 052 га, 66%, 2 323 т, 22,1 ц/га. ААТ “ПратасевічыАгра” — 756 га, 79%, 905 т, 12 ц/га.
У разрэзе культур здабыткі маем такія. Азімыя: жыта — 894 т, 20,2 ц/га, пшаніца — 5 014 т, 27,4 ц/га, ячмень — 2 250 т, 21,5 ц/га, трыцікале — 2 211 т, 21 ц/га. Яравыя: пшаніца — 1 789 т, 17,8 ц/га, ячмень — 4 162 т, 27,6 ц/га, авёс — 482 т, 16,1 ц/га. Зернебабовыя — 1 093 т, 21,4 ц/га.
Бягучы тыдзень павінен стаць вызначальным. Па ўсёй верагоднасці, істотных змяненняў па ўраджайнасці не будзе, а вось агульны вал яшчэ павінен узрасці. Няхай надвор’е спрыяе эфектыўнай працы!
Валентина Корбаль
