Аб тым, каб зімой статак быў забяспечаны кармамі, сельгаспрадпрыемствы клапоцяцца ўлетку

Працаўнікі філіяла “Белшына-агра” ААТ “Белшына” ў ліку першых прыступілі да корманарыхтоўкі. Як паведамілі ў гаспадарцы, планы немалыя: неабходна нарыхтаваць 30 тысяч тон сенажу, 40 — сіласу і 2 055 т сена. Усяго 18 586 т кармавых адзінак, што складзе 3,1 т к.а. на ўмоўную галаву.

Зараз касьбу шматгадовых культур вядуць дзве адзінкі тэхнікі. На полі сустрэлі трактарыста-машыніста Алега Аліноўскага, які па-гаспадарску папраўляў штосьці ў сваёй КПР-9. Механізатар шчыруе ў сельгаспрадпрыемстве ўжо каля двух дзясяткаў гадоў. Кіраўніцтва характарызуе яго толькі станоўча: старанны, добрасумленны працаўнік, увішны і акуратны, любое заданне выконвае ў тэрмін і якасна.