Фітасанітарная абстаноўка азімых культур

Летась сельгаспрадпрыемствамі раёна пад новы ўраджай было засеяна 7 876 гектараў азімых збожжавых культур і рапсу. Для высвятлення ўмоў перазімоўкі і заражэння хваробамі ў трэцяй дэкадзе студзеня спецыялістамі райінспекцыі па насенняводстве, каранціне і абароне раслін ва ўсіх гаспадарках раёна адбіраліся маналіты. Усяго абследавана 1 815 га, з іх 1 568 га азімых збожжавых, 247 га азімага рапсу. Адрошчванне маналітаў, праведзенае ў трэцяй дэка-дзе студзеня-пачатку лютага, паказала, што азімыя збожжавыя культуры і рапс жыццяздольныя. Назіралася поўнае адрастанне культур у маналітах.

Візуальны стан пасеваў ацэньваўся як добры і здавальняючы. Азімы рапс скончыў вегетацыю ў стадыі фарміравання ліставой разеткі, у якой налічвалася ў асноўным 4-8 сапраўдных лістоў. У снежні большую частку месяца тэмпература глебы на глыбіні залягання вузла кушчэння і каранёвай шыйкі была каля нулявой адзнакі, у студзені — у асноўным ад -1 да -7°С, што не ўяўляла небяспекі пасевам.

Гібель азімых збожжавых культур і азімага рапсу не адзна-чана. Паражэнне снежнай цвіл-лю выяўлена на 3% абследаваных плошчаў, сопкай расой — на 20. Максімальны працэнт — 5% — заражоных раслін сустракаецца на пасевах азімай пшаніцы ў ААТ «Авангард-Ніва», азімага трыцікале — у дзяржаўным прадпрыемстве «Ясенскае» — 5%; захворванне адзначаецца ў выглядзе адзінкавых плям; тут жа адзначаецца і найбольшае паражэнне снежнай цвіллю ў пасевах ячменю — 10%.

Далейшы стан азімых пасеваў шмат у чым будзе залежаць ад умоў надвор’я ранневеснавога перыяду.

Настасся Цераш, вядучы аграном-дзяржінспектар раённай інспекцыі па насенняводстве, каранціне і абароне раслін.