Супрацоўнікамі АДАІ РАУС на мінулым тыдні і падчас правядзення з 2 па 5 снежня комплексу мер, накіраваных на забеспячэнне бяспекі пешаходаў і прафілактыку дарожна-транспартнага траўматызму па прычыне нецвярозага стану ўдзельнікаў дарожнага руху, зарэгістравана адпаведна восем (два) ДТЗ; папярэджана 189 (61) правапарушэнняў, да адказнасці прыцягнуты тры (адзін) вадзіцелі ў нецвярозым стане і адзін, які не прадаставіў перавагу ў руху пешаходу; два (адзін) бяспраўнікі; пяць (адзін) парушальнікаў правіл перавозкі дзяцей у аўтатранспарце, два — абгону; 45 (16) веласіпедыстаў і пешаходаў, дзевяць (сем) з якіх нецвярозыя; пакараны чатыры (тры) вадзіцелі, машыны якіх не “пераабуты” ў зімовыя шыны.

Дзяржаўтаінспекцыя нагадвае: пры ўдзеле ў дарожным руху з 1 снежня па 1 сакавіка аўтамабілі павінны быць абсталяваны зімовымі шынамі, якія адпавядаюць патрабаванням ПДР і ўстанаўліваюцца на ўсіх колах транспартнага сродку.

Аддзелам Дэпартамента аховы выяўлены сямейны скандаліст і дзве асобы, якія здзейснілі дробныя крадзяжы.

ІАЖіРС складзены два адміністрацыйныя пратаколы за парушэнне правіл палявання.