Знакавая падзея

Землякі прынялі ўдзел у рэспубліканскай акцыі “Грамадзянская пазіцыя” РГА “Белая Русь”, якая прайшла ў Палацы Рэспублікі

На ўрачыстым мерапрыемстве прысутнічалі старшыня райарганізацыі “Белая Русь” Ірына Сяргейчык, яе намеснік Алеся Букач, члены суполкі Вольга Карчэўская і Наталля Астаповіч. Апошняя, дарэчы, нядаўна ўступіла ў патрыятычнае аб’яднанне і членскі білет атрымала ва ўрачыстай абстаноўцы з рук старшыні “Белай Русі” Генадзя Давыдзькі.

Адбылося таксама ўручэнне пасведчанняў аб рэгістрацыі пярвічных арганізацый РГА “Белая Русь”. “Знакам Гонару” адзначаны выдатныя людзі нашай краіны, аб’яўлена падзяка кіраўнікам прадпрыемстваў і арганізацый.

Разглядалася і важнасць правядзення рэферэндуму. Удзельнікі сустрэчы вырашылі прыняць у ім актыўны ўдзел. Яны прыкладуць усе намаганні, каб садзейнічаць краіне ў развіцці і руху наперад.