Вось і восень прыйшла. І ў кругавароце спраў важна не забыць пра адзін эпізадычны, але важны момант: выпісаць родную газету. А каб гэты працэс стаў адметным, заўтра ва ўсіх аддзяленнях сувязі пройдзе дзень падпісчыка.

Практыка паказала, што рэдакцыйныя бонусы ў нашых чытачоў застаюцца запатрабаванымі. Таму пакідаем звыклыя 40 купонаў, якія ў апошнім квартале 2022 года можна будзе абмяняць на віншаванне са святамі ў газеце родных, блізкіх, сяброў (восем радкоў); аб’яву на старонках выдання; фотасесію ад рэдакцыйнага фатографа; відэавіншаванне ў сацыяльных сетках “АК”.

Як заўсёды, кожнага падпісчыка чакае шанс выйграць суперпрыз.

А асноўнае мерапрыемства дня падпісчыка адбудзецца каля гандлёвага комплексу “Сіці Мол”, дзе з 11 да 14 гадзін сяброў раёнкі будуць чакаць журналісты і паштовыя работнікі. Тут можна будзе не толькі выпісаць “АК”, выйграць прызы і зрабіць цікавае фота, але і задаць хвалюючыя пытанні працаўнікам рэдакцыі.

Да сустрэчы ў Дзень народнага адзінства! Правядзём яго разам!