Агульныя прыярытэты

2 красавіка спаўняецца 20 год з таго дня, як пачалася работа па стварэнні Саюзнай дзяржавы. Гэта быў перыяд напружанай працы Прэзідэнтаў Рэспублікі Беларусь і Расійскай Федэрацыі, парламентарыяў, органаў выканаўчай улады і грамадскіх арганізацый краін па руху наперад, інтэграцыйнага працэсу між нашымі народамі.

Цесная сувязь паміж дзяржавамі абумоўлена геаграфічнымі, геапалітычнымі, гістарычнымі і іншымі фактарамі, узаемнай дапаўняльнасцю дзвюх эканомік, кааперацыйнымі сувязямі прадпрыемстваў. Ужо працяглы час асноўным гандлёвым партнёрам Беларусі з’яўляецца Расійская Федэрацыя, на чыю долю прыпадае больш за 40% беларускага экспарту і больш за палову аб’ёму імпарту.

Асноўныя знешнепалітычныя задачы на расійскім напрамку — эфектыўнае выкарыстанне патэнцыялу непасрэдных сувязей паміж рэгіёнамі дзвюх краін, паглыбленне кааперацыі, пашырэнне беларускай тавараправоднай сеткі, прыцягненне інвестыцый. Будуючы ўзаемакарыснае супрацоўніцтва з Расіяй, Беларусь няўхільна прытрымліваецца прынцыпу безумоўнага захавання суверэнітэту і тэрытарыяльнай цэласнасці бакоў, дакладнага і адказнага выканання імі сваіх міжнародных абавязкаў.

Дзень яднання народаў самой існасцю сваёй абапіраецца на памяць і вопыт былых пакаленняў беларусаў і расіян і ў той жа час накіраваны ў будучыню, сімвалізуючы надзею, што нашы народы ніколі не разарвуць братэрскіх сувязей. У Расіі і Беларусі праводзяцца разнастайныя мерапрыемствы, у лік якіх уваходзяць сустрэчы, выстаўкі, прэзентацыі, святочныя канцэрты, на якіх выступаюць выканаўцы і вядомыя дзеячы краін. Гэта свята — сімвал брацтва абедзвюх дзяржаў. Яно з’яўляецца не толькі добрай нагодай для адпачынку, але і садзейнічае ўзаемаразуменню, умацаванню сяброўскіх і партнёрскіх адносін.

Няма сумнення, што наперадзе — выдатныя перспектывы эканамічнай і культурнай інтэграцыі, забеспячэння эфектыўнага выкарыстання рэсурснага і вытворчага патэнцыялу абедзвюх краін і павышэнне на гэтай аснове эканамічнага росту і ўзроўню жыцця беларусаў і расіян.

2 красавіка ў раённым Цэнтры культуры адбудзецца святочны канцэрт, прысвечаны Дню яднання народаў Беларусі і Расіі “Дарогамі дружбы, дабра і яднання”.

Пачатак у 14 гадзін. Уваход свабодны. Сардэчна запрашаем!