У пачатку тыдня старшыня райкама прафсаюза работнікаў АПК Святлана Сідарэнка наведала ТАА “Сельгасінвест”.

— Для прафсаюза важна су-стракацца з калектывамі ферм, — кажа Святлана Уладзіміраўна, — разам абмяркоўваць пытанні бяспекі працы жывёлаводаў, санітарна-бытавыя ўмовы і гэтак далей. Скарысталася выдатнай магчымасцю паразмаўляць з работнікамі на працоўных месцах, пачуць іх пажаданні і нараканні. Акцыя “Наш жывёлавод” праводзіцца, перш за ўсё, каб стымуляваць намаганні спецыялістаў і работнікаў жывёлагадоўлі, палепшыць умовы працы, даведацца, што хвалюе людзей.

Работнікі сельгаспрадпрыемства задавалі хвалюючыя пытанні і атрымалі змястоўныя адказы. Святлана Уладзіміраўна павіншавала жывёлаводаў з надыходзячымі святамі, прэзентавала салодкі падарунак і нагадала пра ролю прафсаюзнага руху ў жыцці не толькі калектыву, але і асобнага работніка. Старшыня райкама прафсаюза работнікаў АПК плануе наведаць фермы кожнай гаспадаркі раёна.