Ты — пчала, я — пчаляр

Штогод кампазіцыі з саламяных рулонаў упрыгожваюць палі раёна.

Восеньскай парою, калі з дрэў апала лісце і палеткі чарнеюць уздоўж дарогі, так прыемна зачапіцца вокам за незвычайныя вялізныя фігуры з саламяных рулонаў, якія нібы вяртаюць нас у лета. Яны традыцыйна “вырастаюць” у канцы жніва дзякуючы намаганням работнікаў культуры, сельскай гаспадаркі і іншым землякам і не толькі ўпрыгожваюць наваколле, але і ўражваюць сваёй разнастайнасцю і палётам фантазіі аўтараў. Сёлета ў раёне ўстаноўлена 8 буйных саламяных кампазіцый. Адна з іх — пчаляр з пчалой і бочкай мёду — у аграгарадку Карытнае адлюстроўвае захапленні большасці мясцовых жыхароў: ва ўласных падворках тут нярэдка можна сустрэць вуллі.