Белае покрыва сёлета надзейна ўсталявалася ў лясах, на палях і палетках, чаму рады працаўнікі гаспадарак. А вось у дварах, на вуліцах і тратуарах снег прыносіць многім нязручнасці.

Работнікі дарожных і камунальных арганізацый своечасова расчышчаюць свае дарогі, а каля прыватных домаўладанняў памахаць лапатай — справа саміх гаспадароў.

Нядрэнна б і ўладарам аўтамабіляў не наракаць на розныя службы, а самастойна расчышчаць месца для свайго «жалезнага сябра» — трактары часта не могуць справіцца з месцамі паркоўкі, запруджанымі аўто.

Гэтыя хлопцы з СШ-1 і гімназіі могуць служыць прыкладам для многіх: выбраліся пагуляць у хакей, прыхапіўшы разам з клюшкамі лапаты, а па дарозе пакідалі снегу, расчышчаючы сабе і іншым шлях. Для іх зіма — гэта не толькі хатняе цяпло і ўтульнасць, ёлка і падарункі, але і шырокі спектр цікавых і карысных заняткаў.

Фота Ніны ЦАРЫК.