Ці будзе ў Асіповічах інтэрнэт-дастаўка ад «Еўраопт»?

— Апошнім часам у сталіцы сетка магазінаў “Еўраопт” арганізавала інтэрнэт—дастаўку прадуктаў на дом, прычым ад пэўнай сумы паслуга для спажыўцоў бясплатная. Дастаўка стала папулярнай у пакупнікоў, каму па шэрагу прычын цяжка наведваць краму. Ці з’явіцца такі сэрвіс у нас?

Адказвае дырэктар аднаго з магазінаў “Еўраопт” у горадзе Вадзім Манько:

— У бліжэйшы час такая паслуга ў райцэнтры “Еўраоптам” не плануецца. Iнтэрнэт—дастаўка прадуктаў пакуль што развіваецца ў Мінску і не дайшла нават да абласных гарадоў. Уявіце, колькі каштуе закупіць для гэтых мэт аўтапарк, ды і наогул інтэрнэт—магазін — рэч даволі складаная. Карацей, на сёння гэта не разглядаем, аднак да меркавання пакупнікоў стараемся прыслухоўвацца.