На  ўрачыстасці з нагоды 55-годдзя ДРБУ-199, якая адбылася ў пятніцу, калектыў прадпрыемства павіншавалі з круглай датай і прафесійным святам старшыня райвыканкама Канстанцін Жыгуцкі і генеральны дырэктар КУП “Магілёўаблдарбуд” Сяргей Лукашкоў.

Не абышлося без прыемных сюрпрызаў: у якасці падарунка да “дня нараджэння” прадпрыемства атрымала  вельмі патрэбную ў дарожнай гаспадарцы ўстаноўку для ачысткі асфальту ад пылу сціснутым паветрам. А яшчэ  Сяргей Лукашкоў уручыў галоўнаму інжынеру прадпрыемства  Мікалаю Быліну нагрудны знак “Ганаровы дарожнік Беларусі” ІІ ступені. Такой высокай ведамаснай узнагароды  ў калектыве ДРБУ пакуль не мае больш ніхто.