Прамысловыя тавары, якія знаходзяцца ў продажы ў магазіне “Дуэт” ААТ “Гандаль” звыш 60 дзён, у панядзелак будуць прадавацца са скідкай 18% ад рознічнага кошту. У райста можна будзе набыць усе прамысловыя тавары са скідкай 15% ад гандлёвай надбаўкі. У двух гарадскіх Дамах быту пакупнікам прапануюць купіць швейныя і трыкатажныя вырабы ўласнай вытворчасці за 80% рознічнай цаны. У магазіне “Марко” летні абутак у гэты дзень патаннее на 20% ад рознічнай цаны. У краме “Дысконтцэнтр” ААТ “Мегатоп” пры набыцці другой пары яна абыдзецца ў палову кошту, а калі хтосьці выберэ тры — апошняя будзе дадзена ў падарунак. Швейныя і трыкатажныя вырабы мінулагодняй калекцыі ў магазіне “Світанак” будуць прапаноўвацца на 40% танней, чым звычайна. Зніжка на парфумерна-касметычныя тавары і тавары бытавой хіміі ў магазінах “Міла” — ад 25 да 50%. У фірменным магазіне “Беліта-Вітэкс” за касметыку серыі “Роскошное питание” пакупнікі за-плацяць на 15% менш. А цырульнікі КБА за стрыжку ветэранаў вайны ў святочны дзень возьмуць на 15% менш звыклай сумы.