Цікава і карысна

Паездка адбылася па ініцыятыве раённага камітэта прафсаюза работнікаў адукацыі і навукі. Група з 24 чалавек, у якую ў тым ліку ўваходзілі начальнік аддзела па адукацыі райвыканкама Ірына Сяргейчык і старшыня райкама галіновага прафсаюза Алена Кулакоўская, сустрэлася з намеснікам старшыні Пастаяннай камісіі па адукацыі, культуры і навуцы Аленай Каляснёвай. Педагогі абмяркоўвалі змены і дапаўненні ў Кодэкс аб адукацыі. Арганізатарам сустрэчы выступіла дэпутат Палаты прадстаўнікоў Нацыянальнага сходу РБ Святлана Шутава. Для гасцей была арганізавана экскурсія, падчас якой яны пазнаёміліся з гісторыяй беларускага парламентарызму, экспанатамі музея гісторыі, наведалі Авальную залу. Пасля наша дэлегацыя адправілася на экскурсію па Троіцкім прадмесці сталіцы.  Словам, паездка атрымалася вельмі цікавай і карыснай.