Раніца тых жыхароў вёскі Градзянкі, якія накіроўваюцца ў райцэнтр па чыгунцы, пачынаецца са своеасаблівых “амерыканскіх горак”
13 июля 2023 8:55
Раніца тых жыхароў вёскі Градзянкі, якія накіроўваюцца ў райцэнтр па чыгунцы, пачынаецца са своеасаблівых “амерыканскіх горак.”
Невялічкі прамежак дарогі, што яднае пасялковую дарогу з чыгуначнай станцыяй, скрозь пакрыты вялізнымі ямінамі.
Па словах кіраўніка спраў Градзянскага сельсавета Валянціны Захаронак, некаторыя з іх глыбокія і выклікаюць занепакоенасць за бяспеку пасажыраў ранішняга цягніка. На гэта ёсць падставы.
Транспарт адпраўляецца ў Асіповічы ў 6.03. Увесну і летам днее рана, таму да станцыі можна дайсці без рызыкі патрапіць у адну з калдобін, а вось позняй восенню і зімой, калі ў гэты час на вуліцы цёмна, людзі вымушаны кожны крок рабіць асцярожна. Адказнае за траўманебяспечны ўчастак дарогі УКП ЖКГ ведае аб праблеме, аднак “воз і сёння там”. Мо неяк можна зрушыць яго з месца?
