Напярэдадні прафесійнага свята работнікі раённага спажывецкага таварыства сабраліся ў Дома культуры чыгуначні-каў на ўрачыстае мерапрыемства, дзе іх і павіншавалі намеснікі старшыні райвыканкама і праўлення аблспажыўсаюза Уладзімір Дзявойна і Аляксандр Уткін, кіраўнік райста Алена Савіцкая. Не засталіся ўбаку ад добрых слоў у адрас дзелавых партнёраў начальнікі філіялаў ААТ “Белаграпрамбанк” і “Бабушкина крынка” Уладзімір Янкоўскі і Таццяна Жорава.

Многія руплівыя “імяніннікі” за самаадданую працу атрымалі заслужаныя ўзнагароды. Напрыклад, прадавец аўталаўкі Наталля Антошына і прадавец з выкананнем абавязкаў загадчыка магазіна № 2 пасёлка Ялізава Алена Хіцун былі адзначаны Граматай і Падзячным лістом аблспажыўсаюза, прадаўцы з выкананнем абавязкаў загадчыкаў магазіна в/ч Лапічы Лілія Дударонак (на здымку) і в. Ясень Ніна Мірончык, вадзіцель аўтакалоны Аляксандр Шамак — Падзячным лістом і Ганаровымі граматамі райвыканкама.

Шэраг работнікаў галіны атрымалі ўзнагароды райспажыўтаварыства, не забыліся і пра ветэранаў нашай спажыўкааперацыі — Аляксандра Бахановіча, Таццяну Купрэйчык, Галіну Давідовіч, Людмілу Скіндзер, Марыю Герасімовіч.

Не абышлося, натуральна, і без добрых песень, якія дарылі віноўнікам урачыстасцей самадзейныя артысты раёна.

Ніна ВІКТОРЧЫК. Фота Ніны ЦАРЫК.