Осиповичский лесхоз собрал уже 340 тонн березового сока
Сакавік, падсочванне, сок
Збор бярозавіку ў разгары: ДДЛГУ “Асіповіцкі доследны лясгас” назапашвае па 85 000 літраў у суткі і адправіў перапрацоўчым прадпрыемствам ужо 340 тон.
Лідзіруе, як заўсёды, Каранскае лясніцтва — таму спрыяе вялікая доля падыходзячых па ўзросце бяроз у структуры лясоў. Сёлета тут падсочана 3 000 дрэў, з якіх атрымана 120 тон карыснага напою.
Непасрэдна зборам займаецца брыгада з 9 чалавек, якую ўзначальвае Мікалай Юшкевіч — адзін з найбольш вопытных нарыхтоўшчыкаў раёна. Трэба адзначыць, што на падсочку лясгас наймае часовых рабочых — пастаянны калектыў лясніцтваў заняты вясной іншымі справамі. Адбор у зборшчыкаў жорсткі: увесь рабочы дзень трэба пераносіць на даволі доўгія адлегласці цяжкія — да 50 кілаграмаў — мяхі з сокам. Затое стымул напружвацца таксама важкі: за тону бярозавіку лясгас плаціць 60 рублёў.
Для самога прадпрыемства падсочванне дае зусім невялікі прыбытак. Аднак гэта пабочнае лесакарыстанне, і выніковасць яго трэба ацэньваць у комплексе. Расходы на паліва і амартызацыю тэхнікі пакрываюцца, работнікі лясніцтваў маюць магчымасць нядрэнна зарабіць, і, галоўнае, кожны жадаючы можа набыць карысны вясновы напой. А свежым ці кансерваваным — гэта ўжо справа асабістага густу.
