Парадак — перш за ўсё!

Трэці год узначальвае Свіслацкі выканкам Яўгенія Купрэенка. Эканаміст-менеджар па спецыяльнасці, яна ўмее рацыянальна ўпраўляць эканомікай, вытворчасцю і сацыяльным развіццём асобна ўзятага прадпрыемства. Запас атрыманых ведаў,
а яшчэ вопыт работы ў філіяле “Белшына-агра” і цэнтры гігіены і эпідэміялогіі дапамагаюць наладжваць дзейнасць у сферы мясцовага кіравання і самакіравання.
Асноўным напрамкам работы старшыня лічыць добраўпарадкаванне населеных пунктаў, а іх у яе падпарадкаванні 14. Дарэчы, тэрыторыя дадзенага сельсавета мае сваю спецыфіку, якая заключаецца ў расцягнутасці вузкай паласой уздоўж ракі Бярэзіны на многія кіламетры (ад Галынкі да Прыцерпы больш за 30 км). Па выніках серыі рэйдаў грамадзянам накіравана 79 прадпісан- няў, юрыдычным асобам — 15.
Зараз пачалася замена і рамонт плоту на цэнтральнай вуліцы Свіслачы, усяго плануецца абнавіць каля тысячы метраў агароджы.
Па-ранейшаму важнай застаецца барацьба са стыхійнымі звалкамі, якія некаторыя нядбайныя жыхары ствараюць у лясных масівах або ля ракі.
Вясной дружна апранаецца зелянінай наваколле, а сельскіх старшынь гэта засяроджвае на праблеме абкошвання вуліц населеных пунктаў. Яшчэ па меры набліжэння Радаўніцы актуальнай становіцца ўборка грамадзянскіх могілак: іх 10 на тэрыторыі сельсавета. 12 воінскіх пахаванняў з дапамогай замацаваных прадпрыемстваў падтрымліваюцца ў належным стане. Словам, работы нямала.
Летась знеслі адну безгаспадарную пабудову, 6 дамоў чакае такі ж лёс, зараз збіраюцца адпаведныя дакументы.
Немалаважна звяртаць увагу на проціпажарныя мерапрыемствы. Аб пра-вілах паводзін з агнём папярэджваюць з дапамогай лістовак, гутарак, у час сходаў. А назіральная камісія летась заняла першае месца сярод раўназначных у раёне.
Насельніцтва гэтай тэрытарыяльнай адзінкі складае 1 337 чалавек, што тут зарэгістраваны. У летні перыяд колькасць жыхароў узрастае за лік дачнікаў. Але, на жаль, не ўсе захоўваюць парадак вакол сваіх падворкаў і мала хто праяўляе ініцыятыву ва ўборцы населеных пунктаў.
Поспех у любой справе залежыць ад зладжанасці каманды, якая яе выконвае. Для Яўгеніі гэта кіраўнік спраў Лена Дубатоўка і спецыяліст Ірына Мошчына. Апорай з’яўляюцца і старасты вёсак, прыклад аднавяскоўцам паказвае старшыня селькама Надзея Аўсяйчук, якая актыўна працуе з грама-дзянамі.
Рабочы дзень старшыні сельсавета даволі непрадказальны. Яўгенія Уладзімі-раўна расказвае, што першы час спрабавала складаць план, але зразумела, што гэта не працуе: узнікаюць розныя нечаканыя пытанні, прыходзяць жыхары са сваімі праблемамі, і план перакрэсліваецца. А таму стараецца вырашаць пытанні па меры іх узнікнення.
Зараз на парадку дня, акрамя звыклых напрамкаў работы, з’явіўся яшчэ адзін: барацьба з каранавірусам. Работнікі сельвыканкама нагадваюць насельніцтву правілы паводзін падчас эпідэміі, а заадно і выконваюць заяўкі па дастаўцы прадуктаў і лекаў людзям сталага веку.