Хрыстос уваскрос! Сапраўды ўваскрос!
Праз некалькі дзён мы бу-дзем перажываць пасхальную таямніцу нашага адкуплення. Уваскрасенне Езуса Хрыста — перамога над смерцю, збаўленне чалавека ад улады граху і дарога ў Нябеснае Валадарства. Гэтую радасць абвяшчалі апосталы, якія спаткалі Змёртвыхпаўсталага Езуса, а сёння абвяшчаюць усе хрысціяне. Нашае жыццё без змёртвыхпаўстання Хрыста было б безнадзейнаю пусткаю без будучыні.
На гэтыя святочныя дні жадаю ўсім жыхарам нашага горада і раёна, каб Уваскрослы Езус дакрануўся да вашых сэрцаў і напоўніў іх жывою вераю, нязломнай надзеяй на ўдзел у Яго хвале, пераменіў вашыя смуткі ў радасць і даў упэўненасць у перамозе дабра і любові!
Жадаю благаслаўлёных і радасных святаў!
Запрашаем на Святую Імшу:
17.04 — Вялікі Чацвер — а 18.00,
18.04 — Вялікая Пятніца — а 18.00
19.04 — Вялікая Субота — а 21.00.
20.04 — Пасха — а 12.00.
Настаяцель парафіі Божай Міласэрнасці айцец Натанаэль.
