— Дзе можна пазнаёміцца з графікам вывазу смецця? Чаму налічваюць за вываз бытавых адходаў і з тых, хто не заключыў дагавор?

Гэтыя пытанні хвалююць жыхарку Малой Гарожы Таццяну Аляхновіч і многіх другіх нашых жыхароў. Таму нагадваем, што графік вывазу цвёрдых бытавых адходаў па гораду і раёну быў надрукаваны ў газеце “Асіповіцкі край” № 6 ад 23.01.2015 г. Там жа, на старонцы 13, дадзены тлумачэнні, што, згодна з Пастановай Савета Міністраў і Жыллёвым кодэксам, адсутнасць дагавора не з’яўляецца падставай для неналічэння платы за тую паслугу, якая аказваецца. Нават калі жыхарамі дома смецце не было выстаўлена для збору спецтранспартам, паслуга яму лічыцца аказанай і падлягае аплаце.