Настаўніца матэматыкі Дрычынскага вучэбна-педагагічнага комплексу дзіцячы сад-базавая школа Алена Казакова свой працоўны водпуск прысвяціла любімаму      занятку — рабоце на агародзе, догляду кветак, якіх на яе падворку шмат. Лілеі, ружы, аксаміткі, малачай. Выгадавала некалькі дрэўцаў сумах, ці воцатных, як іх называюць у народзе. Плады гэтай культуры выкарыстоўваюцца для прыгатавання харчовых прыпраў. Базілік, арэхі, розныя іншыя плады і спецыі гаспадыня не набывае ў краме, а вырошчвае ўласнымі рукамі. І ўсё робіць з душой. Таму і вінаград буяе, і гартэнзія прываблівае мноствам кветак. І жыўнасць — куры ды трусы — адчуваюць сябе добра.  І малыя архітэктурныя формы ўдала дапаўняюць падворак.

Сама з Магілёўскага раёна, але на Асіповіччыне знайшла для сябе ўтульны куточак, дзе жыве, працуе, вучыць дзяцей і стварае прыгажосць.