які адбыўся 16 чэрвеня ў Бабруйску, сабраў больш за сотню чалавек — намеснікаў старшынь горрайвыканкамаў, начальнікаў упраўленняў і аддзелаў ідэалагічнай работы, культуры і па справах моладзі, рэдактараў рэгіянальных сродкаў масавай інфармацыі, старшынь абласных грамадскіх аб’яднанняў і другіх.

Дзень для ўдзельнікаў ідэалагічнага форуму Магілёўшчыны выдаўся надзвычай насычаным. Інсталяцыя маючага адбыцца міжнароднага фестываля “Вянок дружбы” ў галерэі Бабруйскага мастацкага музея, наведванне завода трактарных дэталяй і агрэгатаў, ААТ “Легпрамразвіццё” і “Чырвоны харчавік”, паліклінікі № 3, абмен вопытам работы за “круглым сталом” на ААТ “Белшына”, знаёмства з дзейнасцю-развіццём сялянска-фермерскай гаспадаркі “Савелье’ў С.К.”, прэзентацыя Бабруйскага раёна “Адраджэнне беларускіх звычаяў, культурных традыцый, гістарычных і краязнаўчых каштоўнасцей, архітэктурных асаблівасцей праз аграэкатурызм” — кожнай з трох груп было і паглядзець на што, і “наматаць на вус” лепшае, каб потым прымяніць у сябе.

Важнейшая задача ідэалогіі, як адзначыў на пленарным пасяджэнні намеснік кіраўніка Адміністрацыі Прэзідэнта краіны Ігар Бузоўскі, — забяспечваць камунікацыю між грамадствам і ўладай. І для гэтага трэба актыўна выкарыстоўваць сучасныя тэхналогіі: “Напрыклад, інтэрнэт-прастора. На першым этапе была пастаўлена задача стварыць у кожнай арганізацыі і на прадпрыемстве свой сайт. Многія гэта ўжо зрабілі. Аднак трэба не проста знаходзіцца ў інтэрнэце, а быць крыніцай інфармацыі. Сацапытанні паказалі, што 80% вольнага часу моладзь, ды і людзі сярэдняга ўзросту, праводзяць у сацсетках. А значыць ідэолагам трэба выходзіць на якасна новы ўзровень работы ў “сусветнай павуціне”. Размяшчаць інфармацыю там, дзе людзі праводзіць час. Прадстаўляць арганізацыі, акцыі і грамадзянскія пазіцыі ў сацсетках. Яны — вялізарная аўдыторыя, якая не павінна заставацца толькі сам-насам”.

Сёння ідэалагічная работа разглядаецца не як адхіленая ад грамадскіх і сацыяльна-эканамічных працэсаў дзейнасць. “Прафесіяналы — людзі, якія рэалізуюць праекты, задачы, пастаўленыя кіраўніком дзяржавы і ўрадам, — добра разумеюць: сумесная дзейнасць — вынік сумеснай работы, якога мы павінны дасягнуць, у тым ліку ў эканоміцы. І надзвычай важная роля граматнага кіраўніка, які павінен разумець значнасць ідэалагічнай работы, арганізоўваць на належным узроўні вытворчы працэс, ствараць камфортны клімат у працоўным калектыве, накіроўваць яго на атрыманне якаснага выніку”, — падкрэсліў ён.