22 апреля прошел митинг по случаю 150-летия Владимира Ленина

Мітынг з нагоды 150-годдзя Уладзіміра Леніна прайшоў 22 красавіка. Сабралася на яго зусім няшмат людзей. І ў сённяшняй эпідэміялагічнай сітуацыі гэта правільна: важна не колькасць удзельнікаў масавага мерапрыемства, а сам факт яго правядзення.
Камуністы на чале з сакратаром райарганізацыі КПБ Сяргеем Сувеевым прыйшлі на плошчу Леніна не проста, каб паслухаць прамовы, адпаведныя моманту, і ўскласці кветкі да помніка. Глыбінны сэнс у іншым — даць землякам нагоду ўзгадаць падзеі, звязаныя з асобай галоўнага рэвалюцыянера ХХ стагоддзя і справай, дзеля якой ён жыў.
Уладзімір Ленін меў вялікую, амаль недасягальную мару. Але рабіў усё, каб яна стала явай, і быў гатовы рашуча ісці наперад, калі для гэтага настаў час. У яго атрымалася.
Ці ўмеем мы марыць так, як Ленін? І ці прыкладваем дастаткова намаганняў, каб нашы думкі пераўтвараліся ў справы?