РАУС
У перыяд з 1 па 7 ліпеня зарэгістраваны кра-дзеж, захаванне наркатычных рэчываў і два факты самагонаварэння. Прычым, у абодвух выпадках антыалкагольнае заканадаўства парушала адна і тая ж асоба — 80-гадовая жанчына.
Адзначаны выпадак добраахвотнай выдачы 0,02 г самаробнага наркатычнага рэчыва — экстракцыйнага опію.
Выяўляюцца прычыны смерці 59-гадовай жанчыны, знойдзенай раніцай 5 чысла ў беспрытомным стане на вул. Сумчанкі. Па папярэдняй інфармацыі нябожчыца злоўжывала алкаголем.
РАСК
Узбуджана 3 крымінальныя справы. Сярод іх фігурантаў — рэдкі для беларускай міліцыі “пярэварацень у пагонах”: супрацоўнік аднаго з падраздзяленняў ДАI г. Мінска схіліў работніка філіяла “Белшына-агра” ААТ “Белшына” да дачы хабару ў выглядзе 95 кг свініны за “дапамогу” ў пазбаўленні ад пакарання за сур’ёзнае парушэнне правілаў дарожнага руху.
ДАI
Спынена 175 парушэнняў правілаў руху, прыцягнута да адказнасці 4 п’яныя вадзіцелі, 61 парушальнік хуткаснага рэжыму, 2 пешаходы без святлоадбіваючых элементаў на адзенні. Адбылося 7 ДТЗ.
Надвячоркам 1 чысла быў затрыманы і аштрафаваны на 50 тысяч рублёў за эксплуатацыю аўтамабі-ля, які не прайшоў тэхагляд, вадзіцель “Фольксваген-Гольф”. Прыблізна праз 3 гадзіны ён жа, толькі ўжо на добрым падпітку, не справіўся з кіраваннем, ад чаго “Гольф” з’ехаў у кювет і некалькі разоў перакуліўся.
У аварыі вадзіцелю пашанцавала: не атрымаў ніякіх цялесных пашкоджанняў. А вось матэрыяльныя страты ўражваючыя: па-першае, разбітая машына не падлягае ўзнаўленню, па-другое, “па сукупнасці” парушэнняў правілаў руху вадзіцель быў аштрафаваны на 3,5 мільёна рублёў і пазбаўлены правоў на кіраванне транспарт-нымі сродкамі на 3 гады.
АУСТ
Затрымана 55 правапарушальнікаў, у тым ліку 5 пасажыраў, знятых з паяздоў за неадэкватныя паводзіны, і 3 асобы, якія знаходзіліся ў вышуку. Канфіскавана 50 пачкаў кантрабандных цыгарэт.
Дэпартамент аховы
Спынена 4 дробныя крадзяжы, 2 хуліганствы, па 5 парушэнняў правілаў дарожнага руху і выпадкаў распіцця алкаголю ў месцах грамадскага карыстання.
РАНС
3 чысла адбыўся пажар жылога дома ў в. Ясень. Агнём пашкоджана падлога, а 62-гадовы гаспадар сядзібы шпіталізаваны з атручваннем чадным газам. Прычынай узгарання стала неасцярожнасць пры курэнні.
IАЖіРС
Прыцягнуты да адміністрацыйнай адказнасці 3 рыбакі-браканьеры і паляўнічы, які парушыў правілы карыстання вогне-стрэльнай зброяй.
Складзены пратакол па факце разбурэння лясной глебы па-за межамі паласы адводу пры правядзенні будаўнічых работ на шашы Мінск-Гомель.