РАУС
У перыяд з 24 па 30 чэрвеня зарэгістраваны крадзеж і выпадак самагонаварэння. Ракрыта 2 раней здзейсненыя злачынствы. Устаноўлена месца знаходжання 4 асоб, якія ўхіляліся ад выплаты запазычанасці юрыдычным асобам.
РАСК
Узбуджана 5 крымінальных спраў, пераважна па фактах крадзяжу тавараў у магазінах самаабслугоўвання.
ДАI
Спынена 283 парушэнні правілаў руху, прыцягнута да адказнасці 6 п’яных вадзіцеляў, 101 парушальнік хуткаснага рэжыму, 2 пешаходы без святлоадбі- ваючых элементаў на адзенні. Адбылося 14 ДТЗ. 27 чысла недалёка ад в. Малая Гарожа «БМВ» з мінскімі нумарамі пры абгоне выехаў на сустрэчную паласу шашы Мінск-Гомель і ўрэзаўся ў «Таёту». Вадзіцелі абодвух аўтамабіляў і пасажыры «БМВ» былі шпіталізаваны ў ЦРБ з цялеснымі пашкоджаннямі.
АУСТ
Затрымана 67 правапарушальнікаў, у тым ліку 6 пасажыраў зняты з цягнікоў за неадэкватныя паводзіны. Узбуджана 2 крымінальныя справы па фактах крадзяжу і атрымання хабару службовай асобай на станцыі Асіповічы.
Паступіла 20 паведамленняў ад грамадзян, дзякуючы якім удалося спыніць 8 правапарушэнняў і 2 крадзяжы.
Дэпартамент аховы
Спынена па 5 дробных крадзяжоў і парушэнняў правілаў дарожнага руху, 2 выпадкі хуліганства, 1 — распіцця алкаголю ў месцы грамадскага карыстання.
Медвыцвярэзнік
Дастаўлена 34 чалавекі, пакінута для працверажэння 29 мужчын і 3 жанчыны.
РАНС
30 чысла на вул. Голанта па невядомай прычыне згарэў аўтамабіль ВАЗ-2106.
IАЖіРС
Прыцягнуты да адміністрацыйнай адказнасці рыбак, які знаходзіўся на беразе Асіповіцкага вадасховішча з забароненай рыбалоўнай прыладай — пад’ёмнікам. Канфіскавана 2 браканьерскія сеткі, у якіх знаходзілася 11 кг рыбы.