РАУС
У перыяд з 19 па 25 жніўня адбылося адно злачынства: 23 чысла з павільёна ў гандлёвым цэнтры “Сіці-Мол” былі ўкрадзены джынсы. Як высветлілася ў хуткім часе, гэта здзейсніла непрацуючая 32-гадовая жанчына, якая раней ужо прыцягвалася да крымінальнай адказнасці за незаконнае абарачэнне наркатычных рэчываў.
РАСК
Узбуджана 6 крымінальных спраў па фактах выкрадання аўтамабіля, двух крадзяжоў, набыцця крадзенага, вырабу і захавання наркотыкаў, ненаўмыснага забойства.
18 чысла непрацуючы раней судзімы мужчына падчас спрэчкі моцна ўдарыў у грудзі свайго “апанента” Апошні ўпаў на бетонныя пліты і атрымаў пры падзенні настолькі цяжкія траўмы, што праз 4 гадзіны памёр.
ДАI
Спынена 146 парушэнняў правілаў руху, прыцягнуты да адказнасці 3 п’яныя вадзіцелі, 53 парушальнікі хуткаснага рэжыму, 3 пешаходы без святлоадбіваючых элементаў на адзен-ні. Адбылося 12 нязначных ДТЗ.
Увага! У перыяд з 26 жніўня па 6 верасня праводзіцца спецыяльнае комплекснае мерапрыемства “Увага — дзеці!”. У гэты перыяд транспартныя сродкі абавязкова павінны рухацца з уключаным “бліжнім” святлом фар.
30 жніўня пройдзе Адзіны дзень бяспекі дарожнага руху “Бяспечная дарога ў школу”.
АУСТ
Складзена 70 адміністрацыйных пратаколаў. Узбуджаны крымінальныя справы па фактах незаконнага абарачэння наркатычных рэчываў і крадзяжу маёмасці ў пасажыра.
Выяўлены два выпадкі самагонаварэння, канфіскавана 40 пачкаў кантрабандных цыгарэт.
Медвыцвярэзнік
Дастаўлена 32 пацыенты. Пакінуты для працвераджэння 24 мужчыны і 4 жанчыны.
РАНС
21 чысла па невядомай пакуль прычыне загарэлася пластмаса на палігоне прамысловых адыходаў ААТ “АЗАА” у раёне в. Свіханава. Для тушэння полымя, якое буяла на плошчы ў 1.000 квадратных метраў, спатрэбілася амаль двое сутак і намаганні экіпажаў трох пажарных машын.
23 жніўня сельгаспал каля в. Крычавец перакінуўся на тарфянік і ў хуткім часе ахапіў 1 гектар радовішча карысных выкапняў. Ліквідацыя пажара, у якой былі задзейнічаны 4 спецыяльныя машыны і 15 выратавальнікаў, доўжылася 12 гадзін.
25 чысла з-за кароткага замыкання ў электраправодцы адбыўся пажар у кватэры шматпавярховага дома на вул. Чарняхоўскага. Дзякуючы сігналу пажарнага апавяшчальніка, гаспадыня кватэры своечасова пакінула небяспечнае месца і выклікала дапамогу, што дазволіла звесці ўрон да мінімуму.
Таксама з-за кароткага замыкання адбылося ўзгаранне сухой травы каля фермы ў в. Троіцкая.
IАЖіРС
Прыцягнуты да адмі-ністрацыйнай адказнасці браканьер-рыбак і парушальнік правілаў гандлю свежай рыбай.
Спынены тры выпадкі вывазу нарыхтаванай драўніны без належных дакументаў.