Супрацоўнікамі АДАІ РАУС з 31 мая па 6 чэрвеня папярэджана 169 правапарушэнняў, да адказнасці прыцягнуты парушальнік правіл абгону, 5 нецвярозых вадзіцеляў, 4 “бяспраўнікі”, 4 пешаходы і веласіпедысты. Падчас СКМ “Увага — дзеці!” выяўлена 287 правапарушэнняў, сярод іх 3 факты непрадастаўлення перавагі ў руху пешаходам, 2 — знаходжання за рулём нецвярозага вадзіцеля, 19 — парушэння правіл перавозкі дзяцей, 73 — невыканання патрабавання ездзіць на транспартным сродку з уключаным блізкім святлом фар.

Зарэгістравана 3 дарожна-транспартныя здарэнні. 3 чысла каля 18.40 на 16 км аўтадарогі Асіповічы-Баранавічы ў кювеце апынуўся аўтамабіль Opel Zafira. Папярэдне ўстаноўлена, што 61-гадовы жыхар в. Дрычын, рухаючыся на закругленні дарогі, страціў кантроль над кіраваннем, у выніку іншамарка з’ехала ў правы па ходзе руху кювет і перакулілася. Вадзіцеля, які не быў пры-шпілены рамянём бяспекі, выкінула з аўтамабіля; ад атрыманых траўм мужчына памёр на месцы.

Аддзелам Дэпартамента аховы да адміністрацыйнай адказнасці прыцягнуты 3 чалавекі, што здзейснілі дробныя крадзяжы; у аднаго грамадзяніна канфіскаваны самагон.

ІАЖіРС складзена па 2 адміністрацыйныя пратаколы за парушэнні правілаў лесакарыстання і рыбалоўства.