РАУС

У перыяд з 1 па 7 жніўня здзейснена 7 крадзяжоў. У ЦРБ з цялеснымі пашкоджаннямі дастаўлены 37-гадовы асіпаўчанін, які атрымаў траўмы ў выніку падзення з лесвіцы.

3 чысла на вул. Савецкай горада затрыманы 30-гадовы непрацуючы асіпаўчанін, у якога пры асабістым вобыску быў знойдзены палімерны пакет з рэчывам расліннага паходжання.

4 жніўня ў двары аднаго з дамоў па вул. 60 гадоў Кастрычніка райцэнтра быў скрадзены матацыкл ММВЗ.

РАСК

Узбуджана 9 крымінальных спраў.

Непрацуючы жыхар Каменіч 1979 г.н., які ўжо меў судзімасць, у стане алкагольнага ап’янення 6 чэрвеня па месцы жыхарства сужыцелькі з-за рэўнасці спрабаваў падпаліць госця, якога папярэдне абліў бензінам.

ДАI

Папярэджана 102 парушэнні правілаў дарожнага руху, прыцягнута да адказнасці 48 парушальнікаў хуткаснага рэжыму. Адбылося 7 ДТЗ, адно — з цялеснымі пашкоджаннямі.

6 жніўня каля 17 гадзін вадзіцель аўтамабіля “Фіят Добло” на 114 кіламетры аўтадарогі Мінск-Гомель пры ажыццяўленні манеўра павароту налева, у бок в. Заельнік, не прапусціў “Міцубісі Оутлэндар”, які рухаўся ў сустрэчным кірунку з боку Гомеля. У выніку абодва кіроўцы атрымалі цялесныя пашкоджанні.

АУСТ

Зарэгістравана 13 матэрыялаў аб здарэннях, суправоджана 64 цягнікі, з якіх знята 4 правапарушальнікі, складзены 71 адміністрацыйны пратакол.

Спецізалятар

Дастаўлена 46 грамадзян, з іх 9 жанчын, 6 сямейных скандалістаў, 4 іншагароднія і грамадзянін, які здзейсніў дробнае хуліганства.

IАЖіРС

Складзена 6 пратаколаў: 3 — за незаконную вырубку лесу, 2 — засмечванне лясной тэрыторыі,   1 — парушэнне правілаў вядзення паляўнічай гаспадаркі і палявання.